.:: منتديات الفنان مصطفي سيد احمد ::.
هذه النافذه تدل على انك لم تسجل او لم تقم بتسجيل دخول فمرحبا بك في طيات هذا المنتدى

.:: منتديات الفنان مصطفي سيد احمد ::.

حبابكم عشرة في منتدي الفنان الراحل مصطفي سيد احمد
 
الرئيسيةاليوميةس .و .جبحـثالمجموعاتالتسجيلدخول

شاطر | 
 

 مصطفي في عيون والدته الفاضله ست الجيل

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
طلال خضر ادم

avatar

عدد المساهمات : 11
تاريخ التسجيل : 04/06/2011
العمر : 26

مُساهمةموضوع: مصطفي في عيون والدته الفاضله ست الجيل   السبت أكتوبر 29, 2011 1:20 pm

ﻫﺬﺍ ﺍﻟﺤﻮﺍﺭ ﺃﺟﺮﺍﻩ ﺍﻟﺸﺎﻋﺮ ﺍﻟﺪﻛﺘﻮﺭ/ ﻃﻼﻝ
ﺩﻓﻊ ﺍﻟﻠﻪ ﻋﺒﺪ ﺍﻟﻌﺰﻳﺰ ، ﻣﻊ ﺍﻟﺴﻴﺪﺓ
ﺍﻟﻔﺎﺿﻠﺔ/ ﺳﺖ ﺍﻟﺠﻴﻞ - ﻭﺍﻟﺪﺓ ﺍﻷﺳﺘﺬ /
ﻣﺼﻄﻔﻲ ﺳﻴﺪ ﺍﺣﻤﺪ
*ﺍﻟﺤﺎﺟﺔ ﺳِﺖ ﺍﻟﺠﻴﻞ ﻭﺍﻟﺪﺓ ﻣﺼﻄﻔﻰ ﺳﻴﺪ
ﺃﺣﻤﺪ ﻭﺣﺪﻳﺚ ﻗﻠﺐ ﺍﻷﻡ ..
ﻫﻲ ﺍﻣﺮﺃﺓ ﻣﺘﻜﻴﺔ ﻋﻠﻰ ﺃﻛﺘﺎﻑ ﺳﻨﻲ
ﻋﻤﺮﻫﺎ ﻭ ﻋﻠﻰ ﺃﺣﺰﺍﻧﻬﺎ ﺑﺼﺒﺮ ﺣﺮﺍﺯﺓٍ ﻭ
ﺯﻫﻮ ﺳﻴﺎﻟﺔ. ﺍﻟﺬﻫﺎﺏ ﺇﻟﻴﻬﺎ ﻳﻮﻟﺪ ﻓﻲ
ﺩﻭﺍﺧﻠﻚ ﺣﺮﺟﺎً ﻣﻦ ﺫﻟﻚ ﺍﻟﻨﻮﻉ ﺍﻟﺬﻱ ﻳﺸﺒﻪ
ﻣﻐﺎﻟﺒﺔ ﺃﺏ ﺩﻣﻌﺔً ﻗﺎﻫﺮﺓً ﻣﺴﺘﺤﻴﻠﺔَ
ﺍﻹﻣﺴﺎﻙ ﺃﻣﺎﻡ ﺃﻃﻔﺎﻟﻪ ﻭ ﺃﻣﻬﻢ ، ﻋﻨﺪ ﻓﺠﺮ
ﻳﻠﻮِّﺡ ﺑﻘﺒﻀﺘﻴﻦ ﻣﺘﻌَﺒﺘﻴﻦ ﻟﺸﻤﺲ ﻛﺴﻮﻝ
ﻓﻲ ﺧﺪﺭ ﺃﻓﻘﻬﺎ، ﺫﺍﺕ ﺷﺘﺎﺀ ﺟﺎﻑ.. ﻓﻬﺬﺍ
ﺍﻟﺬﻫﺎﺏ ﺃﺧﺬ ﻳﺮﺗﺒﻂ، ﻳﻮﻣﺎً ﺑﻌﺪ ﻳﻮﻡ, ﻭ ﻋﺎﻡ
ﺇﺛﺮ ﻋﺎﻡ ﺑﺸﻬﺮ ﻳﻨﺎﻳﺮ. ﻫﺬﺍ ﺍﻟﺸﻬﺮ ﺍﻟﻔﺎﺟﻊ،
ﻟﻴﺲ ﻟﻬﺎ ﻛﺄﻡ ؛ ﻭﻻ ﻷﺳﺮﺗﻬﺎ ﻭ ﺃﻫﻠﻬﺎ ﺍﻟﺬﻳﻦ
ﻋﻠﻴﻬﻢ ﻣﻮﺍﺟﻬﺔ ﻓﻘﺪ ﻫﻮ ﺑﻜﻞ ﺍﻟﻤﻘﺎﻳﻴﺲ
ﺃﻛﺒﺮ ﻣﻦ ﻛﻞ ﺇﺣﺘﻤﺎﻝ ، ﺑﻞ ﻷﻣﺔٍ ﻣﻦ
ﺍﻟﻌﺎﺭﻓﻴﻦ ﻟﻔﻀﻞ ﺍﻟﺮﺟﻞ ﻭ ﻣﺎ ﺃﻋﻄﻰ ..
ﺷﻬﺮ ﺭﺣﻴﻞ ﻓﻠﺬﺓ ﻛﺒﺪﻫﻢ ﻭ ﺃﻛﺒﺎﺩﻧﺎ.
ﺍﻹﻧﺴﺎﻥ ﺍﻟﺬﻱ ﺃﻋﻄﻰ ﻭ ﻇﻞ ﻳﻌﻄﻲ، ﻭ
ﺑﺸﺠﺎﻋﺔ ﻭ ﺻﺒﺮ ﻧﺎﺩﺭﻳﻦ ، ﺣﺘﻰ ﺁﺧﺮ ﻗﻄﺮﺓ
ﻓﻲ ﻏﻴﻤﺔ ﺣﻴﺎﺗﻪ ﺭﺣﻴﻤﺔ ﺍﻟﻌﻄﺎﺀ ﻟﻶﺧﺮﻳﻦ.
ﺑﻴﻨﻤﺎ ﺍﻵﺧﺮﻭﻥ ـ ﻧﺤﻦ ـ ﻳﺴﺘﻤﻄﺮﻭﻥ ، ﻻ
ﺯﺍﻟﻮﺍ ، ﺻﺪﻯ ﻫﺬﻩ ﺍﻟﻐﻴﻤﺔ ، ﺍﻟﺮﺍﺣﻠﺔ ﺑﻴﻦ
ﺇﺣﺪﺍﺛﻴﺎﺕ ﺍﻟﺰﻣﺎﻥ ﻭ ﺍﻟﻤﻜﺎﻥ، ﻳﻌﻄﻲ، ﻻ
ﻳﺰﺍﻝ ، ﻛﻤﺎ ﺃﻋﻄﺖ ! ﻭ ﻟﻜﻦ ﻣﺎﺫﺍ ﺃﻋﻄﻴﻨﺎ
ﻧﺤﻦ ﻓﻲ ﺍﻟﻤﻘﺎﺑﻞ ؟؟ ﻻ ﺃﺭﻳﺪ ﺃﻥ ﺃﻗﻮﻝ ﺇﻧﻨﺎ
ﻋﺎﻗﻮﻥ .. ﻭ ﺇﻥ ﻛﺎﻥ ﻛﻞ ﻣﻨﺎ ﻳﺤﺲ ﻭ ﺑﻴﻘﻴﻦ
ﻛﺒﻴﺮ ﺃﻧﻨﺎ ﻛﺬﻟﻚ. ﺃﺩﺧﻠﻮﺍ ﻣﻌﻲ ﺃﺗﻮﻥ ﺍﻟﻔﺎﺟﻌﺔ
ﺍﻟﺮﺍﻛﻠﺔ ﻣﺒﺎﺷﺮﺓً ﻭﺟﻪَ ﻣﺎ ﻧﺤﻦ ﻋﻠﻴﻪ ؛ ﻓﻲ
ﻋﺒﺎﺭﺓ ﺍﺑﺮﺍﻫﻴﻢ ﻳﻮﺳﻒ ﺃﺣﺪ ﺃﻗﺮﺑﺎﺀ
ﻣﺼﻄﻔﻰ ﻭ ﺃﺣﺪ ﺃﻗﺮﺑﻬﻢ ﺇﻟﻴﻪ ﻭﺟﺪﺍﻧﺎً:
( ﺇﻧﻜﻢ ﻣﺜﻞ ﺍﻟﺰﻛﺎﺓ ﻻ ﺗﺄﺗﻮﻥ ﺇﻻ ﺣﻴﻦ ﻳﺤﻞ
ﺍﻟﺤﻮﻝ!!).
ﺗﻌﺎﻟﻮﺍ ﻧﺤﺘﻔﻞ ﺑﻴﻮﻡ ﻣﻴﻼﺩﻩ ﻭ ﺍﻟﺬﻱ
ﻳﻮﺍﻓﻖ ..... !!!!!
ﻃﻼﻝ ﺩﻓﻊ ﺍﻟﻠﻪ ﻋﺒﺪﺍﻟﻌﺰﻳﺰ.
* ﺃﻫﺎ ﻳﺎ ﻳﻤﻪ ﺳﺖ ﺍﻟﺠﻴﻞ ﺩﺍﻳﺮﻳﻦ ﻧﺴﺄﻟﻚ
ﻋﻦ ﻣﺼﻄﻔﻰ
ـ ﻣﺼﻄﻔﻰ ﻭﻟﺪﻱ !!
* ﺁﺁﻱ
ـ ﺭﺑﻨﺎ ﻳﺮﺣﻤﻪ .. ﺳﺆﺍﻻﺗﻚ ﺷﻨﻮ؟
* ﺃﻭﻝ ﺣﺎﺟﻪ ﺩﺍﻳﺮﻳﻦ ﻧﻌﺮﻑ ﺇﺗﻮﻟﺪ ﻣﺘﻴﻦ؟
ـ ﻋﺎﺩ ﻳﺎ ﻃﻼﻝ ﻧﺤﻨﺎ ﻋﺪﺍﺩ ﺍﻟﺴﻨﻴﻦ ﺩﻩ
ﺑﻨﻌﺮﻓﻮﺍ ﻳﺎ ﻭﻟﺪﻱ !
* ﻃﻴﺐ ، ﺍﻟﻮﻛﺖ ﺍﻟـ ﺇﺗﻮﻟﺪ ﻓﻴﻬﻮ ﻛﺎﻥ ﺧﺮﻳﻒ
ﻭ ﻻّ ﺻﻴﻒ ﻭ ﻻّ ﺷﺘﺎﺀ؟
ـ ﻣﺼﻄﻔﻰ ﺇﺗﻮﻟﺪ ﻓﻲ ﺍﻟﺨﺮﻳﻒ .
* ﻓﻲ ﻳﺎﺗﻮ ﻭﻛﺖ ﻓﻲ ﺍﻟﺨﺮﻳﻒ؟
ـ ﻓﻲ ﺃﻭﻝ ﺍﻟﺨﺮﻳﻒ .
* ﻓﻲ ﺍﻟﻌِـﻴْـﻨَـﻪ ﻳﺎﺗﺎ؟
ـ ﻭﺍﻟﻠﻪ ﻳﺎ ﻭﻟﺪﻱ ﻣﺎ ﺑﺘﺬﻛّﺮ ﺍﻟﻌِــِﻴْـﻨَـﻪ .
* ﻃﻴﺐ ، ﻭﻛﺖ ﺍﻟﻮﻻﺩﻩ ﻛﺎﻥ ﻣﺘﻴﻦ؟
ـــ ﻭﺍﻟﻠﻪ ﺍﻟﺸﻤﺲ ﻣﺎ ﻃﻠﻌﺖ .. ﺇﺗﻮﻟﺪ ﻓﻲ
ﺍﻟﻔﺠﺮ .
* ﻣﺘﺬﻛﺮﻩ ﻛﺎﻥ ﻳﻮﻡ ﺷﻨﻮ؟
ـ ﻻ ﻭ ﺍﻟﻠﻪ .
* ﻃﻴﺐ ﺍﻟﺴﻤﺎﻫﻮ ﻣﻨﻮ؟ ﻳﻌﻨﻲ ﺍﻹﺧﺘﺎﺭ ﻟﻴﻬﻮ
ﺍﻹﺳﻢ ﻣﻨﻮ؟
ـ ﺍﻹﺳﻢ ﻹﺧﺘﺮﺗﻮ ﺃﻧﺎ..ﺳﻤﻴﺘﻮ ﻣﺼﻄﻔﻰ.. ﻗﻠﺖ
ﻟﻰ ﺃﺑﻮﻫﻮ ﺍﻟﻮﻟﺪ ﺩﻩ ﺃﻧﺎ ﺳﻤﻴﺘﻮ
ﻣﺼﻄﻔﻰ..ﻋﻠﻰ ﺍﻟﺮﺳﻮﻝ..ﺃﺑﻮﻫﻮ ﻗﺎﻝ ﻟﻲ
ﻣﺎﺷﺎﺀ ﺍﻟﻠﻪ..ﺇﺳﻤﻚ ﻣﺎ ﻛﻌﺐ.. ﺩﻩ ﻣﺎ ﺇﺳﻢ
ﺍﻟﺮﺳﻮﻝ ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ.
* ﻗﺒﺎﻝ ﻣﺼﻄﻔﻰ ﻛﻨﺘﻲ ﻭﻟﺪﺗﻲ ﻣﻨﻮ؟
ـ ﻗﺒﺎﻝ ﻣﺼﻄﻔﻰ ﻛﺎﻥ ﺃﺧﻮﻫﻮ ﻣﻘﺒﻮﻝ .
* ﻟﻤﻦ ﻓﻄﻤﺘﻴﻬﻮ ﻛﺎﻥ ﻋﻤﺮﻭ ﻛﻢ؟
ـ ﻭﺍﻟﻠﻪ ﺳﻨﺘﻴﻦ .
* ﻛﺎﻥ ﺑﻜّﺎﻱ؟
ـ ﻻ..ﻻ..ﻻ..ﻻ. ﻭ ﺍﻟﻠﻪ ﻣﺎ ﻛﺎﻥ ﺑﻜﺎﻱ ﺷﺪﻳﺪ. ﺃﻧﺎ
ﺫﺍﺗﻲ ﻣﺎ ﻛﺎﻥ ﺑﺨﻠﻴﻬﻮ ﻳﺒﻜﻲ ﻛﺘﻴﺮ.
* ﻟﻤّﻦ ﻣﺸﻰ .. ﻛﺎﻥ ﻋﻤﺮﻭ ﻛﻢ؟
ـ ﻭ ﺍﻟﻠﻪ ﻛﺎﻥ ﻳﺸﻴﻞ ﻛﺮﺍﻉ ﻭ ﻳﺨﺖ ﻛﺮﺍﻉ ﻣﻦ
ﻋﻤﺮﻭ ﺳﻨﻪ..ﻭﺍﻧﺎ ﺃﻗﺒﻀﻮ ﻣﻦ ﺍﻟﺴَّﻬَﻠَﻪ ..
* ﻣَﺸِﻲ .. ﻭ ﻻّ ﺣَﺒِﻲ؟
ـ ﻣَﺸِﻲ .. ﺁﺁﻱ ﻭﺍﻟﻠﻪ .. ﻣﺸﻲ .
* ﺑﻌﺪﻭ ﻭﻟﺪﺗﻲ ﻣﻨﻮ ؟
ـ ﺑﻌﺪ ﻣﺼﻄﻔﻰ ﻭِﻟﺪﺕ ﻋﺒﻠﻪ .
* ﻳﻌﻨﻲ ﻫﻮ ﻭ ﻋﺒﻠﻪ ﻃُﺮَﺩﺍ .. ﺃﻫﺎ ﻛﺎﻥ ﺑﻐﻴﺮ
ﻣﻨﻬﺎ ؟
ـ ﺁﺁﻱ.. ﺁﺁﻱ ﺁﺁﺁﻱ“ !ﻭ ﺍﻟﻠﻪ ﻭﺍﻟﻠﻪ ﻳﺎ ﻳﻤﻪ ﺑﺘﻚ
ﺩﻱ ﺇﻻ ﺃﻛﺘﻠﻬﺎ..”ﻫﻲ ﻳﺎ ﻳﺎﺑﺎ ﺳﺠﻢ
ﺧﺸﻤﻲ..ﺗﻘﺘﻠﻬﺎ ﻛﻴﻔﻦ ﻳﺎ ﻣﺼﻄﻔﻰ؟! ﺗﻘﺘﻠﻬﺎ
ﺍﻟﺤﻜﻮﻣﻪ ﻣﺎ ﺑﺘﺠﻲ ﺗﻘﺒﻀﻚ!ﻳﻘﻮﻝ ﻟﻲ “ﻭ
ﺍﻟﻠﻪ ﺍﻟﻌﻈﻴﻢ ﺑﻰ ﻓﺮّﺍﺭﻱ ﺩﻩـ ” ﻫﻮ ﻋﻨﺪﻭ
ﻓﺮﺍﺭ ﺻﻐﻴِّﺮ ﻛﺪﻱ “ ـ ﻭ ﺍﻟﻠﻪ ﺑﻰ ﻓﺮّﺍﺭﻱ ﺩﻩ
ﺍﻟﺒﻴﺠﻲ ﻳﺪﻭﺭ ﻳﻘﺒﻀﻨﻲ ﻭ ﺍﻟﻠﻪ ﺇﻻ ﺃﻛﺴِّﺮ
ﺭﺍﺳﻮ.” ﻛﺎﻥ ﻋﻨﻴﺪ ﻭ ﺷﺠﺎﻉ.ﺍﻟﻠﻬﻢ ﺃﺭﺣﻤﻮ ﻭ
ﺃﻏﻔﺮ ﻟﻴﻬﻮ .
* ﺃﻭﻝ ﻣﺪﺭﺳﻪ ﺩﺧﻠﻬﺎ ﻛﺎﻧﺖ ﻳﺎﺗﻬﺎ ؟
ـ ﺩﺧﻞ ﺍﻟﻤﺪﺭﺳﻪ ﻓﻲ ﻭﺩﺳﻠﻔﺎﺏ .
* ﺩﺍﺭ ﺍﻟﻤﺪﺭﺳﻪ ﻃﻮّﺍﻟﻲ ﻭ ﻻّ ﺧﺎﻑ ﻣﻨﻬﺎ
ﺃﻭﻝ ﺷﻲ؟
ـ ﺑﺮﻱ .. ﺑﺮﻱ .. ﺑﺮﻱ . ﺩﺍﺭ ﺍﻟﻤﺪﺭﺳﻪ
ﻃﻮﺍﻟﻲ..ﻭ ﻛﺎﻥ ﺩﺍﻳﺮﻫﺎ ﻗﺒّﺎﻝ ﻳﻜﺒﺮ ﻭ ﻳﺒﻘﻰ
ﻋﻠﻲ ﺍﻟﻤﺪﺭﺳﻪ .
* ﺯﻣﻨﻬﻢ ﺩﺍﻙ ﻛﺎﻥ ﺑﻠﺒﺴﻮﺍ ﺷﻨﻮ ؟
ـ ﻛﺎﻥ ﺑﻠﺒﺴﻮﺍ ﺍﻟﺠﻼﻟﻴﺐ ..ﻭ ﻛﺎﻥ ﺑﺤﺐ
ﺟﻼﻟﻴﺒﻮ ﺩﻳﻞ.. ﻭ ﻳﺤﺐ ﻧﻀﺎﻓﺘﻬﻦ ﻭ ﻧﻈﺎﻣﻬﻦ .
* ﻛﺎﻥ ﺷﺎﻃﺮ؟
ـ ﻭ ﺍﻟﻠﻪ ﻳﺎ ﻭﻟﺪﻱ ﻛﺎﻥ ﺷﺎﻃﺮ ﻭﺑﺤﺐ ﺍﻟﻘﺮﺍﻳﻪ
ﺩﻱ ﺯﻱ ﻋﻴﻮﻧﻮ..ﻳﻘﺮﺍ ﻭ ﻳﺴﻤِّﻊ ﻃﻮﻝ ﺍﻟﻴﻮﻡ .
* ﻛﺎﻥ ﺑﻤﺮﻕ ﻳﻠﻌﺐ ﻛﺘﻴﺮ ؟
ـ ﺃﻧﺎ ﺑﺨﻠﻲ ﻳﻤﺮﻕ !؟ ﺃﻧﺎ ﺑﺨﻠﻲ ﻳﻤﺮﻕ
ﺁﺁﺧﻮﻱ !!؟ ﻳﻘﺮﺍ. ﺃﻧﺎ ﺑﺨﻠﻲ ﻳﻤﺮﻕ ﻳﺎ ﻳﺎﺑﺎ؟ !!
ﻟﻜﻴﻦ ﺍﻟﻠﻌﺐ ﺑﻠﻌﺒﻮ.
* ﺑﻌﺪ ﻭﺩﺳﻠﻔﺎﺏ .. ﺗﺎﻧﻲ ﻗﺮﺍ ﻭﻳﻦ ؟
ـ ﻗﺮﺍ ﻓﻲ ﺍﻟﺤﺼﺎﺣﻴﺼﺎ .
* ﻛﺎﻥ ﺑﻤﺸﻲ ﻭ ﻳﺠﻲ ﻛﻞ ﻳﻮﻡ ؟
ـ ﻛﺎﻥ ﻓﻲ ﺍﻟﺪﺍﺧﻠﻴﻪ .ﻭ ﻛﺎﻥ ﺑﻴﺠﻲ ﻛﻞ
ﺇﺳﺒﻮﻉ .
* ﻃﻴﺐ ﻛﻴﻒ ﻗﺪﺭﺗﻲ ﺗﺨﻠﻴﻬﻮ ﻣﺎ ﻣﻌﺎﻙ ؟
ـ ﻋﺎﺩ ﺃﺳﻮﻱ ﺷﻨﻮ ؟ ﻭﻛﺘﻮ ﺍﻟﻤﺎ ﻳﺠﻲ ﺃﺳﺄﻝ
ﻣﻨﻮ ﺍﻷﻭﻻﺩ..ﻳﺎ ﺃﻭﻻﺩﻱ ﻣﺼﻄﻔﻰ ﻣﺎﻟﻮ ﻣﺎ
ﺟﺎ..ﻣﺼﻄﻔﻰ ﻣﺎﻟﻮ ﻣﺎ ﺟﺎ؟
ﻳﺎﻣﻦ ﻳﺠﻲ . ﺃﻫﺎ ﻻﻣﻦ ﻳﺠﻲ..ﻳﺠﻲ ﻭ
ﻣﻌﺎﻫﻮ ﺻﺤﺒﺎﻧﻮ ﺃﺻﻠﻮ ﻣﺎ ﺑﻴﺠﻲ ﺑﺮﺍﻩ.. ﺍﻟﻠﻬﻢ
ﺃﺭﺣﻤﻮ ﻭ ﺍﻏﻔﺮ ﻟﻴﻪ.
* ﻃﻴﺐ ﻳﻤﻪ..ﺑﻌﺪ ﺩﺍﻙ ﻣﺸﻰ
ﺑﻮﺭﺳﻮﺩﺍﻥ..ﻣﺎ ﻣﻨﻌﺘﻲ؟
ـ ﻫﻮ ﺃﻧﺎ ﺃﻗﺪﺭ ﺃﻣﻨﻌﻮ ؟ﺃﺩﻳﺘﻮ ﺭﺿﺎﻱ..ﻗﻠﺖ
ﻟﻴﻪ ﻭﻛﺖ ﺩﺍﻳﺮ ﺗﺘﻌﻠﻢ ﺃﻣﺸﻲ.. ﻭﺩﻋﺘﻚ ﻟﻰ
ﺍﻟﻠﻪ ﻭﺍﻟﺮﺳﻮﻝ ﻭﺩﺍﻋﺔ ﺍﻷﻟِـﻒ ﺍﻟﻤﺎ ﺗِـﻨْـﺘَـﻠِـﻒ
ﻳﺎ ﻣﺼﻄﻔﻰ .
* ﺃﻫﺎ ﻣﻦ ﺑﻮﺭﺳﻮﺩﺍﻥ ﺍﻟﺒﻌﻴﺪﻩ ﺩﻱ .. ﻛﻨﺘﻮ
ﻛﻴﻒ ؟
ـ ﻭ ﺍﻟﻠﻪ ﻛﺎﻥ ﺑﺮﺳﻞ ﻟﻲ ﺍﻟﺠﻮﺍﺑﺎﺕ..ﻳﻘﻮﻝ
ﻟﻲ ﻳﺎ ﻳﻤﻪ ﺃﻧﺎ ﺷﺪﻳﺪ ﻭ ﻃﻴﺐ..ﻣﺎ ﺗﺸﻔﻘﻲ.. ﻭ
ﺍﻟﻠﻪ ﺃﻧﺎ ﻓﻲ ﺃﻣﺎﻥ ﺍﻟﻠﻪ.ﺟﻮﺍﺑﺎﺗﻮ ﻛﺘﻴﺮﻩ.. ﻭ
ﻳﺮﺳﻞ ﻟﻲ ﻃﻮﺍﻟﻲ.
* ﻓﻲ ﺑﻮﺭﺳﻮﺩﺍﻥ ، ﻟﻤﻦ ﺑﻘﻰ ﻳﻐﻨﻲ ﻋﺪﻳﻞ
ﻛﺪﻱ..ﺇﻧﺘﻲ ﻣﺎ ﻗﻠﺘﻲ ﺣﺎﺟﻪ؟
ـ ﻫﻲ ﻳﺎ ﻳﺎﺑﺎ ﺃﻧﺎ ﺑﻘﻮﻟﻮ ﻣﺎ ﺗﻐﻨﻲ؟ ) ﺗﻀﺤﻚ (
.. ﻭ ﺍﻟﻠﻪ ﺃﻧﺎ ﻣﺎ ﺑﻘﻮﻟﻮ ﻣﺎ ﺗﻐﻨﻲ.. ﺯﻣﺎﻥ ﻫﻨﺎ
ﻣﺎ ﻛﺎﻥ ﺑﻐﻨﻲ..ﻭ ﻳﻘﻮﻝ ﻟﻲ ﻳﺎ ﻳﻤﻪ ﺃﻧﺎ
ﻣﺎﺷﻲ ﺍﻟﺤﻔﻼﺕ..ﺃﻗﻮﻝ ﻟﻴﻪ ﻳﺎ ﻳﺎﺑﺎ ﻭﺩﻋﺘﻚ
ﻟﻰ ﺍﻟﻠﻪ ﻭﺍﻟﺮﺳﻮﻝ..ﺑﺲ ﻣﺎ ﺗﻜﺘﺮ
ﺍﻟﺴﻬﺮ..ﻭﺩﻋﺘﻚ ﻟﻲ ﺍﻟﻠﻪ ﻭ ﺍﻟﺮﺳﻮﻝ ﻳﺎ
ﻣﺼﻄﻔﻰ..ﻭﺩﻋﺘﻚ ﻟﻰ ﺍﻟﻠﻪ ﻭﺍﻟﺮﺳﻮﻝ .
* ﻃﻴﺐ ﺃﺑﻮﻫﻮ ﻣﺎ ﻛﺎﻥ ﺑﻴﻌﺎﺭﺿﻮ ﻓﻲ
ﺍﻟﻐﻨﺎ ؟
ـ ﺑﺮﻱ .. ﺑﺮﻱ .. ﺑﺮﻱ . ﺃﺑﻮﻫﻮ ﺃﺻﻠﻮ ﻣﺎ ﻛﺎﻥ
ﺑﻌﺎﺭﺿﻮ ﻛﻠﻮ..ﻛﻠﻮ .
* ﻣﻌﻨﻰ ﻛﺪﻩ ﻛﺎﻥ ﻋﻨﺪﻛﻢ ﻓﻲ ﺍﻟﻌﺎﻳﻠﻪ
ﻧﺎﺱ ﺑﻐﻨﻮﺍ!!
ـ ﻋﻠﻲ ﺍﻟﺒﺪﻭﻱ ﻭ ﺍﻟﺴﻤﺎﻧﻲ .. ﺍﻟﺴﻤﺎﻧﻲ ﻭﺩ
ﺍﻟﺒﺪﻭﻱ ﺃﻭﻻﺩ ﺧﺎﻟﻲ.
* ﺩﻳﻞ ﻛﺎﻥ ﺑﻐﻨﻮﺍ ﻛﻴﻒ ؟
ـ ﻛﺎﻧﻮﺍ ﺑﻐﻨﻮﺍ ﺑﺎﻟﺮِّﻕ ..
* ﻳﻌﻨﻲ ﺃﺧﺪ ﻣﻦ ﺧﻴﻼﻧﻮ ؟
ـ ﺁﺁﻱ ﺍﻟﺠﻨﺎ ﺧﺎﻝ .
* ﻣﺼﻄﻔﻰ ﻏﻨﻰ ﺷﻨﻮ ﺃﻭﻝ ﺣﺎﺟﻪ؟
ـ ﻛﺎﻥ ﺑﻐﻨﻲ ) ﻧﻐﻴﻢ ﻓﺎﻫﻚ ﻳﺎ ﺍﻡ ﺯﻳﻦ
ﺩﻭﺍﻱ ) ..
* ﺳﻤﻌﻨﺎ ﺇﻧﻮ ﻳﻮﻡ ﻃﻬﻮﺭﻭ….
) ـ ﺑﻀﺤﻚ ﺍﻟﻤﻌﺠﺐ ( ﻳﻐﻨﻰ ﺑﺮﺍﻫﻮ .. ﻗﺎﻝ
ﻟﻴﻬﻮ ﺑﻮﻫﻮ ﻣﺼﻄﻔﻰ؟! ﻗﺎﻝ ﻟﻴﻬﻮ ﺁﺁﻱ!
ﻣﺤﻨﻦ )ﻣﺤﻨﻨﻮﺍ ﺃﺧﻮﺍﺗﻮ ﻭ ﻫﻮ ﻭﻗﻒ ﻃﻮﻝ
ﻛﺪﺍ ﻭﺷﺮﺡ ﻓﻲ ﺍﻟﻐُـﻨﺎ..ﻭﺷﺮﺡ ﻓﻲ ﺍﻟﻐُـﻨﺎ ﻭ
ﺷﺮﺡ ﻓﻲ ﺍﻟﻐُـﻨﺎ ( ﻗﺎﻝ ﻟﻴﻬﻮ ﻭ ﺍﻟﻠﻪ ﻳﺎ
ﻣﺼﻄﻔﻲ ﺍﻟﻠﻪ ﻳﺴﺎﻣﺤﻚ.. ﻭ ﺍﻟﻠﻪ ﺃﻧﺎ ﻣﻦ ﺍﻟﻠﻪ
ﺧﻠﻘﻨﻲ ﻣﺎ ﺷﻔﺖ ﻟﻴﺎ ﻓﻨﺎﻥ ﻣﺤﻨﻦ ﻭ ﺑﻐﻨﻲ..
* ﻣﻦ ﺍﻷﻏﺎﻧﻲ ﺍﻟﻐﻨﺎﻫﺎ ﻳﻮﻡ ﻃﻬﻮﺭﻭ
ﺗﺘﺬﻛﺮﻱ ﺷﻨﻮ ؟
ـ ﻧﻐﻴﻢ ﻓﺎﻫﻚ ﻳﺎ ﺍﻡ ﺯﻳﻦ ﺩﻭﺍﻱ .. ﺷﻔﺎﻳﺎ
ﺍﻟﺒِﺠْﺒُﺮ ﻗِﻮﺍﻱ.
* ﺩﻱ ﻏﻨﻴﺔ ﺍﻟﻤﺴﺎﺡ !
ـ ﺁﺁﻱ .. ﺃﻧﺎ ﺍﻟﻤﺴﺎﺡ ﺩﻣﻊ ﺍﻟﺒﻜﻰ .
* ﺍﻧﺘﻲ ﻳﺎ ﺣﺠﻪ ﻛﻨﺘﻲ ﺑﺘﺤﺒﻲ ﺍﻟﻐﻨﺎ ؟
ـ ﺁﺁﻱ .
* ﻛﻨﺘﻲ ﺑﺘﺤﺒﻲ ﺍﻟﻐﻨﺎ ﺳﺎﻛﺖ ﻭ ﻻّ ﺑﺘﻐﻨﻴﻬﻮ ؟
ـ ﺑﺤﺒﻮ ﻭ ﺑﻐﻨﻴﻪ .
* ﺻﻮﺗﻚ ﺳﻤﺢ ؟
ـ ﺁﺁﻱ .
* ﻳﻌﻨﻲ ﺇﻧﺘﻲ ﺍﻟﻮﺭﺛﺘﻴﻬﻮ ﺍﻟﺼﻮﺕ .. ﻷﻧﻮ
ﻣﻘﺒﻮﻝ ـ ﺍﻟﻠﻪ ﻳﺮﺣﻤﻮ ـ ﺫﺍﺗﻮ ﻛﺎﻥ ﺑﻐﻨﻲ ..
ﻣﺶ ﻛﺪﻩ ؟
ـ ﻣﻘﺒﻮﻝ ﻏﻨّـﺎﻱ .. ﻭ ﻣﺼﻄﻔﻰ ، ﺍﻟﻠﻪ
ﻳﺴﺎﻣﺤﻮ ﻭ ﻳﻐﻔﺮ ﺳﻴﺌﺎﺗﻮ ، ﺑﻐﻨﻲ .. ﺑﻐﻨﻲ
ﻏُـﻨﺎ ﺷﺪﻳﺪ .
* ﻃﻴﺐ ﻟﻤﻦ ﺇﺑﺘﺪﺍ ﻳﻐﻨﻲ ﻭ ﻳﻌﺰﻑ ﺍﻟﻌﻮﺩ ..
ﺇﻧﺘﻮ ﻣﺎ ﻛﺎﻥ ﻋﻨﺪﻛﻢ ﻣﺎﻧﻊ ؟ !
ـ ﺑﺮﻱ .
* ﻣﺎ ﻗﻠﺘﻮﺍ ﻟﻴﻬﻮ ﺍﻟﻜﻼﻡ ﺩﺍ ﺑﺸﻐﻠﻚ ﻣﻦ
ﻗﺮﺍﻳﺘﻚ ؟
ـ ﺑﺮﻱ .. ﺑﺮﻱ .. ﻣﺎ ﻓﻲ ﺯﻭﻝ ﻗﺎﻝ
ﻟﻴﻬﻮ..ﻣﺼﻄﻔﻰ ﺣﺮﻳﺘﻮ ﻃﻠِﻘﻪ.. ﻣﺼﻄﻔﻰ
ﺣُﺮﻳﺘﻮ ﻃﻠﻘﺖ.
* ﻳﻌﻨﻲ ﻣﺎ ﻛﺎﻥ ﻋﻨﺪﻛﻢ ﻣﺎﻧﻊ .. ﻳﻌﻨﻲ
ﺳﺎﻋﺪﺗﻮﻫﻮ ؟
ـ ﻧﺎﻥ ﻫﻮ ﻣﺎ ﺭﻭﺣﻮ ﻓﻲ ﺍﻟﻘﺮﺍﻳﻪ .. ﻭ ﻓﻲ
ﺍﻟﻐﻨﺎ .
* ﺍﻟﻨﺎﺱ ﺍﻟﻜﺎﻧﻮ ﺑﻐﻨﻮﺍ ﻣﻌﺎﻫﻮ .. ﺗﺘﺬﻛﺮﻳﻬﻢ
ﻣﻨﻮ ؟
ـ ﻭ ﺍﻟﻠﻪ ﻳﺎ ﻭﻟﺪﻱ ﻣﺎ ﻣﺘﺬﻛﺮﺍﻫﻢ . ﻛﺎﻧﻮﺍ ﺑﻐﻨﻮﺍ
ﺑﺮﺍﻫﻢ .. ﻭ ﺃﺧﺘﻮ ﺩﻱ ) ﺑﺨﻴﺘﺔ ( ﺗﺴﻮﻱ
ﺍﻟﺸﺎﻱ ﺗﻮﺩﻱ ﻟﻴﻬﻢ .. ﻳﻜﺒﻮﺍ ﺍﻟﺸﺎﻱ
ﻳﺸﺮﺑﻮﻩ .. ﻭ ﻫﻮ ﻳﻐﻨﻲ .. ﻳﻐﻨﻲ ﻭﻳﺼﻔﻖ ..
ﻫﻲ ﻳﺎﺑﺎ ﺳﺠﻢ ﺃﻣﻚ .. ﻗﻠﺖ ﻟﻴﻪ ﻳﺎﺑﺎ ﺃﻡ ﺯﻳﻦ
ﺩﻱ ﺍﻟﺘﺸﻴﻠﻬﺎ ﺍﻟﻄﻴﺎﺭﻩ ﻛﺪﻱ ﻭ ﻻ ﻛﺪﻱ
) ﺗﻀﺤﻚ .. ﺑﺤﻨﺎﻥ )
* ﻟﻤﻦ ﻣﺸﻰ ﺃﻡ ﺩﺭﻣﺎﻥ .. ﻫﻨﺎﻙ ﻗﺎﻟﻮﺍ ﺑﺪﺍ
ﻏُـﻨﺎ ﺟﺪ ﺟﺪ .. ﺃﻭﻝ ﻏﻨﻴﻪ ﺇﻧﺘﻲ ﺳﻤﻌﺘﻴﻬﻮ
ﻏﻨﺎﻫﺎ ﻛﺎﻧﺖ ﺷﻨﻮ ؟ ﻭ ﻓﻲ ﺇﺫﺍﻋﻪ ﻭ ﻻّ
ﺣﻔﻠﻪ ؟ ..
ـ ﺃﻭﻝ ﻣﺮﻩ ﺳﻤﻌﺘﻮ ﻓﻲ ﺣﻔﻠﻪ .. ﻭ ﻓﻲ
ﺍﻹﺫﺍﻋﻪ ﺳﻤﻌﺘﻮ .. ﻫﻲ ﻳﺎ ﻳﺎﺑﺎ ﺳﺠﻢ ﺃﻣﻲ ..
ﻭﺩﻳﺘﻚ ﻟﻠﻘﺮﺍﻳﻪ ﺗﻤﺸﻲ ﻓﻨﺎﻥ ﻳﺎ ﻣﺼﻄﻔﻰ ؟
ﻗﺎﻝ ﻟﻲ ﻣﺎ ﻛﻠﻮ ﺯﻱ ﺑﻌﺾ ﻳﻤﻪ .
* ﻃﻴﺐ ﻣﻦ ﺃﻏﺎﻧﻴﻬﻮ ﺇﻧﺖ ﺍﻟﻌﺎﺟﺒﺎﻙ ﻛﺎﻧﺖ
ﻳﺎﺗﻲ ؟
ـ ﺍﻟﺮﺩﺗﻮ ..!؟ ﻋﺎﺩ ﻛﻠﻮ : ﺍﻟﺴﻤﺤﻪ ﻗﺎﻟﻮﺍ
ﻣﺮﺣﻠﻪ .. ﺑﻌﺪﻙ ﺍﻟﻔﺮﻳﻖ ﺃﺻﺒﺢ ﺧﻼ… ﻗﻠﺖ
ﻟﻴﻬﻮ ﺃﻭﻋﻰ ﻫﻲ ﺗﺮﺣﻞ ﻣﺎ ﺗﻌﻮﺩ !
* ﺇﻧﺘﻲ ﺍﻟﻐﻨﺎ ﺩﺍ ﺳﺮّﺍﻙ .. ﻭ ﻻّ ….
ـ ﻫﻲ ﻳﺎ ﻳﺎﺑﺎ ﺃﻧﺎ ﺑﻘﺪﺭ ﺃﻗﻮﻝ ﻟﻴﻪ ﺷﻲ ؟ !
* ﺣﺼﻞ ﻋﻤﻞ ﺣﻔﻠﻪ ﻫﻨﺎ ﻓﻲ ﻣﻨﺎﺳﺒﻪ ﺟﻮﻩ
ﺍﻟﺒﻴﺖ .. ﻭ ﻻّ ﻓﻲ ﺍﻟﺤﻠﻪ ؟
ـ ﻫﻲ ﻳﺎ ﻳﺎﺑﺎ ﻳﺴﻮﻱ ﺍﻟﺤﻔﻠﻪ ﻟﻤﺎ ﻳﺼﺒِّـﺢ
ﺍﻟﻮﺍﻃﻪ ..
* ﻛﺎﻥ ﺑﺸﻴﻞ ﻗﺮﻭﺵ ﻓﻲ ﺍﻟﺤﻔﻼﺕ ﺩﻱ ؟
ـ ﺑﺮﻱ .. ﻣﺎ ﺑﺸﻴﻞ ﻭ ﻻ ﻗﺮﺵ .. ﻣﺎ ﺑﺸﻴﻞ
ﻗﺮﻭﺵ .
* ﻃﻴﺐ ﺇﻧﺘﻲ ﻣﺎ ﻛﺎﻥ ﺑﺘﻘﻮﻟﻲ ﻟﻴﻬﻮ ﻳﺸﻴﻞ
ﻗﺮﻭﺵ .. ﻃﺎﻟﻤﺎ ..
ـ ﻫَﻲ ﺃﻧﺎ ﺑﻘﺪﺭ ﺃﺯﻋِّـﻠﻮ ؟
* ﻧﺎﻥ ﺯﻭﻝ ﻳﺘﻌﺐ ﻭ ﻳﺴﺎﻫﺮ ﺍﻟﻠﻴﻞ .. ﻭ ﻣﺎ
ﻳﺸﻴﻞ ﻗﺮﻭﺵ ؟
ـ ﻻ ﻻ ﻻ ﻻ .. ﻛﺎﻥ ﺟﺎﺑﻮ ﻟﻴﻪ ﺍﻟﺴﻴﺮﻩ ﺩﻱ
ﺑﺰﻋﻞ .. ﻭ ﻣﺎﻓﻲ ﺯﻭﻝ ﺑﻘﺪﺭ ﻋﻠﻲ ﺯﻋﻠﻮ .
* ﻟﻜﻴﻦ ﻟﻴﻪ ؟
ـ ﻋﺎﺩ ﺩﻱ ﻃﺒﻴﻌﻪ ﻓﻴﻬﻮ .. ﻧﺎﻥ ﺃﻧﺎ ﺑﻘﺪﺭ ﻋﻠﻲ
ﺯﻋﻠﻮ !؟ ﺃﻗﻮﻟﻮ ﻳﺎ ﻳﺎﺑﺎ ﺍﻟﻠﻪ ﻳﺸﺒﻌﻚ ﻓﻴﻬﺎ ﻭ
ﺗﺸﺮﺏ ﺻﺎﻓﻴﻬﺎ ﻳﺎ ﻣﺼﻄﻔﻰ .. ﺃﺻﻠﻮ ﻣﺎ
ﺑﺮﺿﻰ ﺍﻟﻜﻼﻡ ﺩﻩ .
* ﻓﻲ ﻋﺮﺳﻮ ﺣﺼﻞ ﺷﻲ؟
ـ ﺑﺮﻱ .. ﻓﻲ ﻋﺮﺳﻮ ﻣﺎ ﺣﺼﻞ ﺷﻲ .. ﺁﺁﻱ ..
ﺍﻟﺤﺼﺎﻥ !! ﻗﺎﻝ ﻛﺪﻱ ﺷﺎﻝ ﺍﻟﺼﺎﺑﻮﻧﻪ ﻭ
ﻣﺸﻰ ﺣﻤَّﻤﻬﺎ ﻓﻲ ﺍﻟﺘﺮﻋﻪ .. ﻭ ﻗﺎﻟﻮﺍ ﻛﺪﻱ
ﺟﻮﺍ ﺷﺪّﻭﻫﺎ ﻭ ﻗﻠﺒﻮﻟﻮ ﺍﻟﻔِـﺮﺍﻳﻪ ﻭ ﻗﻠﺒﻮﻟﻮ
ﻫِﺪﻣﺔ ﺍﻟﻘﺮﻣﺼﻴﺺ ﻓﻮﻕ ﺍﻟﺴَّـﺮِﺝ .. ﻭ ﻗﺎﻟﻮﺍ
ﻛﺪﻱ ﺃﺧﻮﺍﺗﻮ ﻳﻐﻨﻮﺍ . ﻗﻠﺖ ﻟﻴﻬﻦ : ﻣﺎ
ﺗﺰﻏﺮﺗﻦ .. ﻣﺎ ﺗﺰﻏﺮﺗﻦ !! ﺗﺠﻔﻠﻦ ﺍﻟﺤﺼﺎﻥ
ﺗﻔﻘﻪ ﻭﻟﺪﻱ ! ﺯﻏﺮﺗﻦ ﺃﺧﻮﺍﺗﻮ ﻭ ﻓﻲ ﻭﺍﺣﺪ
ﻣﺴﻚ ﺍﻟﺤﺼﺎﻥ ﻣﻦ ﺭَﺳَـﻨﻬﺎ .. ﻳﺎ ﺍﺧﻮﺍﺗﻲ ﻣﺎ
ﺗﺰﻏﺮﺗﻮ .. ﻭ ﺩﻳﻞ ﻳﻘﻮﻟﻦ ﺟﻚ ﺑﺎﻟﺰﻏﺎﺭﻳﺪ ..
ﺃﻫﺎ ﻭ ﻗﺎﻝ ﻛﺪﻱ ﺟﺮﺕ ﺑﻴﻪ .. ﻭ ﻗﺎﻝ ﻛﺪﻱ
ﺟﺎﺀ ﺭﺍﺟﻊ ﻋﻠﻲ ﺃﺧﻮﺍﺗﻮ .. ﺃﻫﺎ ﻗﺎﻟﻦ ﻛﺪﻱ
ﺟﻚ ﺯﻏﺮﺗﻦ .. ﻭ ﺍﻧﺎ : ﻣﺎ ﺗﻬﺰ ﻳﺎ ﻳﺎﺑﺎ .. ﻭﺩﻋﺘﻚ
ﻟﻰ ﺍﻟﻠﻪ ﻭﺍﻟﺮﺳﻮﻝ ! ﺍﻟﺤﺼﺎﻥ ﺑﺘﺮﻣﻴﻚ ..
ﺑﺘﺮﻣﻴﻚ ! ﺑﺘﻔﻘﻬﻚ ! ﻭ ﻫﻮ ﻳﻬﺰ ﻳﻬﺰ ﻳﻬﺰ .
* ﻣﺼﻄﻔﻰ ـ ﺍﻟﻠﻪ ﻳﺮﺣﻤﻮ ـ ﻛﺎﻥ ﺑﺰﺭﻉ ..
ﻛﺎﻥ ﺑﻌﺮﻑ ﺍﻟﺰﺭﺍﻋﻪ ؟
ـ ﺁﺁﻱ ﻭ ﺍﻟﻠﻪ .. ﻛﺎﻥ ﻳﺰﺭﻉ ﺑﻰ ﺭﻭﺣﻮ .. ﻭ
ﺧِﺪﻣﺔ ﺍﻟﺨﻼ ﺩﻱ ﻣﺎﺳِﻜﻪ ﻋﻠﻰ ﺇﻳﺪﻭ. ﺍﻟﻠﻪ
ﻳﺮﺣﻤﻮ .. ﺍﻟﻠﻪ ﻳﺮﺣﻤﻮ .
****************************
* ﺻﺤﻲ ﻣﻘﺒﻮﻝ ـ ﺍﻟﻠﻪ ﻳﺮﺣﻤﻮ ـ ﻫﻮ ﺍﻟﻌﻠَّﻢ
ﻣﺼﻄﻔﻰ ﺍﻟﻐُﻨﺎ ؟
ـ ﺍﻟﻠﻪ ﻳﺮﺣﻤُﻦ ﻛﻠﻬﻢ .. ﻣﻘﺒﻮﻝ ﻛﺎﻥ ﺑﻐﻨِّﻲ
ﻗُﺒّﺎﻟﻮ ﻭ ﻛﺎﻥ ﺑﻴﻘﻮﻝ “ﻭ ﺍﻟﻠﻪ ﻣﺼﻄﻔﻰ ﺩﺍ
ﻛﺎﻥ ﺳﺎﺭ ﻓﻲ ﺩﺭﺏ ﺍﻟﻐﻨﺎ ، ﻣﺎﻓﻲ ﺯﻭﻻً ﻛﺪﻱ
ﻳﻘﺪﺭ ﻳﺤﺼِّﻠﻮ ”.
* ﺍﻟﺼُّﻮﺗﻮ ﻛﺎﻥ ﺃﺣﺴﻦ ﻣﻦ ﺃﺧﻮﻫﻮ ﻣﻨﻮ ؟
ـ ﻋﺎﺩ ﻳﺎ ﻃﻼﻝ ﺍﻟﻐُﻨﺎ ﺩﺍ ﻣﺎ ﺧﺸُﻢ ﺑﻴﻮﺕ .
* ﺁﺁﻱ .. ﻻﻛﻴﻦ ﺍﻟﺨﺸُﻢ ﺑﻴﺘﻮ ﻛﺎﻥ ﺃﺣﺴﻦ
ﻣﻨﻮ ﻓﻴﻬﻢ ؟
( ﺗﺘﻨﻬﻨﻪ ﺑﻄﺮﻳﻘﻪ ﻣﻠﻴﺌﺔ ﺑﺒﻌﺾ ﺣﺴﺮﺓ ،
ﺗﺼﻤﺖ ﻣﺤﺪﻗﺔ ﺑﻌﻴﺪﺍً، ﺣﺘﻰ ﺃﻋﻠﻨﺘﻬﺎ ﺳﺤﺐ
ﺳﺆﺍﻟﻲ ) :
* ﺳﻤِﺢ ﻳُﻤّﻪ .. ﺍﻟﺴﺆﺍﻝ ﺩﺍ ﻧﺨﻠﻴﻬﻮ .
( ﻭ ﺑﻌﺪ ﺻﻤﺖ ﻗﻠﻴﻞ .. ﻭ ﻋﻴﻨﺎﻫﺎ ﺗﻘﺮﺁﻥ ﻣﻦ
ﻟﻮﺡ ﻋﻠﻰ ﺗﺮﺍﺏ ﺍﻟﻤﻜﺎﻥ، ﺃﺗﺎﻧﻲ ﺻﻮﺗﻬﺎ
ﻣُﺘﻨﺎﺯَﻉ ﺍﻟﺤﺮﻭﻑ) :
ـ ﻋﺎﺩ ﺑﻌﺪ ﺍﻟﻘﺎﻟﻮ ﻣﻘﺒﻮﻝ ﻓﻲ ﺧﻴّﻮ ﺃﻧﺎ ﺷِﻦ
ﻧَﻔَﻞ ﻗﻮﻟﻲ ؟ !
* ﻃﻴﺐ ﻣﻦ ﺧﻴﻼﻧﻮ ﺍﻟﻘﻠﺘﻲ ﺃﺧﺪ ﻣﻨﻬﻢ
ﺍﻟﻐﻨﺎ .. ﻣﺸﻰ ﻓﻲ ﻃﺮﻳﻖ ﻣﻨﻮ ؟
ـ ﻳﺎ ﻭﻟﺪﻱ ﻫﻪ .. ﻣﺼﻄﻔﻰ ﺍﻟﻠﻪ ﻳﺮﺣﻤﻮ ﻻ
ﻣﺴﻜﻠﻮ ﻻ ﻣﺸﺎﻟﻮ ﻓﻲ ﺩﺭِﺏ ﺯﻭﻝ .. ﺩﺭﺑﻮ
ﻭﺍﺣﺪ ﻭ ﺣﻘﻮ ﺑﺮﺍﻫﻮ. ﻳﻮﻡ ﻃﻬَّﺮﻭﻫﻮ ﺯﺡَّ
ﺍﻟﻐﻨﺎﻱ ﻭ ﻗﺎﻟﻠﻮ “ﺍﻟﻐﻨﺎ ﻣِﻲ ﻛﺪﻱ .. ﻭ ﻗﻌﺪ
ﻳﻐﻨﻲ ﺑﺮﺍﻫﻮ ﻓﻲ ﻳﻮﻡ ﺍﻟﻄﻬﻮﺭ
* ﺍﻟﻐﻨّﺎﻱ ﻛﺎﻥ ﻣﻨﻮ ﻓﻲ ﺣﻔﻠﺔ ﺍ ﻟﻄﻬﻮﺭ ؟
ـ ﺃﺳﺄﻝ ﻣﻨﻮ ﺧَﻴّﺎﺗﻚ ﺩﻳﻞ .
* ﻃﻴﺐ .. ﺍﻟﻐﻨّﺎﻱ ﺯِﻋِﻞ ؟
ـ ﻳﺰﻋﻞ ﻣﻦ ﺷﻨﻮ ؟
* ﻣﻦ ﺍﻟﺴﻮﺍﻫﻮ ﻣﺼﻄﻔﻰ ؟
ـ ﺃﺧﺪ ﺯﻋﻠﺘﻮ .
* ﻫﺴﻊ ﻗﺎﻋﺪﻩ ﺗﺴﻤﻌﻲ ﻏُﻨﺎ ﻣﺼﻄﻔﻰ ؟
ـ ﻻﻻ .. ﻻﻻ .. ﻻﻻ
* ﻟﻴﻪ ؟
ـ ﻭ ﺍﻟﻠﻪ ﻛﺎﻥ ﺟﺎﺑﻮ ﻓﻲ ﺍﻟﺮﺍﺩﻱ ﻭ ﻻّ
ﺍﻟﺘﻠﻔﺰﻳﻮﻥ ﺩﻣﻴﻌﺎﺗﻲ ﺩﻳﻞ ﻳﺠﺮﻥ .
* ﻃﻴﺐ ﻛﺎﻥ ﺟﺎﻙ ﻏﻨﺎﻫﻮ ﻣﻦ ﺑﻌﻴﺪ .. ﻣﻦ
ﺭﺍﺩﻱ ﺍﻟﺠﻴﺮﺍﻥ .. ﻭﻻّ ﻣﻦ ﺣﻔﻠﺔ ﻧﺎﺱ ﻓﻲ
ﺍﻟﺤِﻠّﻪ ؟
ـ ﺍﻟﺠﻴﺮﺍﻥ ﻣﺎ ﺑﻌﺮﻓﻬﻦ ﺃﻛﺎﻥ ﺑﻘﻔﻠﻮﺍ ﺍﻟﺮﺍﺩﻱ
ﻭ ﻻّ ﺑﻮﻃﻮﻩ .. ﻛﻠﻤﻮﻫﻢ ﺃﻫﻠﻮ ﺷﺎﻥ ﻣﺎ ..
ﺍﻟﻠﻪ ﻳﺮﺣﻤﻮ ، ﺍﻟﻠﻪ ﻳﺮﺣﻤﻮﺍ، ﻋﺎﺩ ﻳﺎ ﻭﻟﺪﻱ ﺃﻧﺎ
ﻣﺎﺷﻪ ﺃﺗﺤﻜّﻢ ﻓﻮﻕ ﺍﻟﻨﺎﺱ ! ﻳﻘﻮﻟﻮﻟﻬﻢ
ﺑﻨﺤﺒﻮ ﻭ ﺑﻨﺤﺐ ﺳﻤﺎﻋﻮ.
* ﺇﻧﺘﻲ ﺣﺠﻴﺘﻲ ﻟﻰ ﻣﺼﻄﻔﻰ !
ـ ﺁﺁﺁﻱ .. ﺣﺠﻴﺘﻠﻮ ﻭ ﺳﺄﻟﺖ ﺍﻟﻠﻪ ﻳﻌﻈِّﻢ ﺃﺟﺮﻭ
ﻭ ﻣﻘﺎﻣﻮ . ﻗُﺖ ﻟﻴﻬﻮ ﻳﺎ ﺍﻟﻠﻪ ﺃﻧﺎ ﻣﺴﻤﻴﺎﻫﻮ
ﻋﻠﻲ ﺭﺳﻮﻟﻚ ﻭ ﻣﺼﻄﻔﺎﻙ .. ﺃﺩﻳﻬﻮ ﻗﺪُﺭ
ﺍﻟﺴَّﻮﻱ ﻓﻲ ﺍﻟﺪﻧﻴﺎ ﻭ ﺯﻳﺪﻭ .. ﻣﺼﻄﻔﻰ ﻻ
ﺯﻋَّﻞ ﺯﻭﻝ ﻻ ﻋﺎﺩﻯ ﺯﻭﻝ.
(ﻛﻔﻜﻔﺖُ ﺩﻣﻌﺘﻴﻦ ﺑﻴﺪ ﺃﻥ ﺍﻷﻣﺮ ﻟﻢ ﻳﺘﻮﻗﻒ
ﻋﻠﻴﻬﻤﺎ .. ﻗﺒّﻠﺘﻬﺎ ﻋﻠﻰ ﺭﺃﺳﻬﺎ , ﻓﻀﺎﻉَ ﻋﻄﺮٌ
ﻟﻪ ﻃﻌﻢٌ ﻭ ﻣﻠﻤﺲ ﻭ ﻧﺒﺾ .. ﺧﺎﻃﺮٌ ﻭ
ﻭﺟﺪﺍﻥ afro
الرجوع الى أعلى الصفحة اذهب الى الأسفل
آخر شعاااع



عدد المساهمات : 21
تاريخ التسجيل : 06/09/2011
العمر : 39
الموقع : السعوديه

مُساهمةموضوع: رد: مصطفي في عيون والدته الفاضله ست الجيل   السبت فبراير 18, 2012 12:09 pm

كفكفت دمعتين ونحن غرقنا في دموعنا وسنظل نغرق ع الدوام على كروانا الحبيب له الرحمه والمغفره ولوالدتنا ست الجيل طول العمر

لك التحيه اخي طلال على هذا النقل الجميل وسلمت يداك


تقبل مروري
آخر شعاااع
الرجوع الى أعلى الصفحة اذهب الى الأسفل
 
مصطفي في عيون والدته الفاضله ست الجيل
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
.:: منتديات الفنان مصطفي سيد احمد ::. :: ©§¤°^°¤§©¤الـقـسـم العــام¤©§¤°^°¤§© :: ~*¤®§(*§ المنتدى الاجتماعي §*)§®¤*~ˆ°-
انتقل الى: